Íbúafundir um sveitir framtíðar
Hvernig viljum við að byggð og innviðir þróist og hvernig stuðlum við að jafnvægi á milli nýtingar og verndar auðlinda?
Bæjarstjórn býður til tveggja íbúafunda um mótun aðalskipulags fyrir dreifbýli Hornafjarðar.
Fyrri fundurinn verður mánudaginn 27. nóvember nk. kl. 17:00-19.30 á Hótel Vatnajökli. Síðari fundurinn verður þriðjudaginn 28. nóvember kl. 14:00-16:30 í Hofgarði. Boðið verður upp á hressingu.
Fundunum er ætlað að fá fram sjónarmið og hugmyndir íbúa um framtíðarsýn og áherslur í skipulagi sveitanna. Sem upplegg að umræðum kynna skipulagsráðgjafar frá Alta greiningu og drög að meginmarkmiðum.
Allir sem hafa áhuga á framtíðarþróun sveitarfélagsins eru hvattir til að mæta!
Upplýsingar um endurskoðun aðalskipulags má finna hér á vefnum.