Hlutverk aðalskipulags

Aðalskipulag er áætlun sveitarfélags til a.m.k. 12 ára, um þróun landnotkunar, byggðar, byggðarmynsturs og samgöngu- og þjónustukerfa.  Áætlunin markar einnig stefnu sveitarstjórnar í umhverfismálum.

 Í aðalskipulagi eru svæði til mismunandi nota, s.s. svæði fyrir íbúðir, þjónustu og atvinnustarfsemi, þ.m.t. landbúnaðarsvæði. Sett eru skipulagsákvæði fyrir hvert og eitt til nánari útfærslu í deiliskipulagi einstakra svæða.

​

Ástæður endurskoðunar

Gildandi aðalskipulag sveitarfélagsins var staðfest 2014 og því kominn tími á að fara yfir hvaða breytingar hafa orðið í umhverfi og samfélagi og endurskoða aðalskipulagið m.t.t. þeirra. 

​

Framgangur endurskoðunar

Á þessum vef verða sagðar fréttir af endurskoðuninni eftir því sem henni vindur fram. Einnig verða birt gögn sem verða til í vinnuferlinu. Fyrsta skref vinnunnar er gerð verkefnislýsingar sem lýsir helstu forsendum og áherslum endurskoðunar ásamt nálgun við kynningu, samráð og umhverfismat. Verkefnislýsinguna má lesa hér.